Verskeie faktore beïnvloed die gehalte van klank. Al is dit slegs vir die musiekkenner waarneembaar, bepaal die ontwerp en grote van die opnamelokaal die natuurlike “ambiance” wat akoestiese opnames positief beïnvloed. Die goed ontwikkelde oor en wye, teoretiese kennis van ’n klankingenieur en die nuutste moderne toerusting beskikbaar, dra ook by tot ‘n goeie opname .

Dis belangerik om die balans tussen verskillende instrumente en stemme te verkry sodat elkeen gehoor word en die een nie die ander oordonder nie. Hiervoor is die lokaal net so belangrik om behoorlik te kan "hoor". Die korrekte moderne toerusting is dan ook baie belangerik en veral die vermoë om hierdie toerusting behoorlik te kan gebruik.

Studiowerk is nie so maklik nie. Dis moeilik om 'n puik produk te produseer. Dis hoekom SMP streef om altyd die beste diens te lewer en kwaliteit produkte te skep vir al ons kliënte. Vir die musiekkenners in die industrie is daar min studios in die land wat aan hierdie vereistes voldoen.

SMP sorg vir die ontwerp en bewoording van die omslag (inleg-kaart), vervaardiging en verspreiding van CD’s na winkels en iTunes. SMP is ook ‘n “uitgewer” soos beskryf in die wet op kopiereg en in ooreenstemming met die reëls van die Suid-Afrikaanse Musiek Regte Organisasie (SAMRO) en versorg ook die behoorlike toepassing van tantieme aan die regmatige skrywers van materiaal.